"Арсенал" ҳужумчиси учун Италиянинг икки гранди курашмоқда

"Арсенал" ҳужумчиси Габриэл Жезус ёзда жамоасини ўзгартиши мумкин. Бу ҳақда "Calciomercato" нашри хабар бермоқда. 

Манба маълумотига кўра, бразилиялик форварднинг "тўпчилар" билан амалдаги шартномаси тугашига бир ярим йил қолган. Шу сабабдан Лондон клуби ўз футболчисини сотиш имкониятини кўриб чиқиши мумкин. Жезуснинг хизматларига айни вақтда "Ювентус" ва "Милан" клублари қизиқиш билдирмоқда. Италия жамоалари аллақачон футболчи трансфери бўйича таклиф беришга тайёр. 

Габриэлнинг ҳозирда "трансфермаркт" порталидаги нархи 20 миллион еврони ташкил этади.

Эслатиб ўтамиз, ҳужумчи жорий мавсум Артета қўл остида 12 та учрашувда майдонга тушиб, 3 та гол киритди ва 1 та голли узатма амалга оширган