"Арсенал" "Леванте" футболчисини сотиб олишга тайёр!

Лондоннинг "Арсенал" клуби "Барселона" қизиқиш билдираётган "Леванте" ҳужумчиси Карл Этта Эйонгни сотиб олишга тайёр, дея хабар бермоқда "Fichajes" нашри.

Манбага кўра, "канонирлар" камерунлик футболчини "Барселона"дан сотиб олиш учун унинг 40 миллион евролик товон пулини тўлашни режалаштирмоқда. "Арсенал" Эйонгни мавсум охиригача "Леванте"да ижарада ушлаб туришни режалаштирмоқда.

Маълумот учун, 22 ёшли футболчи бу мавсумда Ла Лиганинг 12 та ўйинида майдонга тушиб, олтита гол урди ва учта голли узатмани ҳам амалга оширди.