"Арсенал" "Манчестер Сити" баҳсида йирик ҳисоб қайд этилди

Англия лига кубоги чорак финалида "Манчестер Сити" "Арсенал" меҳмони бўлиб, йирик ҳисобда ғалаба қозонди.

Ўйин манчестерликлар устунлиги остида ўтди. 3-дақиқада Габриэл Жезус қанотдан узатилган пасни дарвозага тўғрилаб қўйди. 32-дақиқада Александр Ляказетт ҳимоячилардан аниқроқ ҳаракат қилиб, Зеки Штеффен дарвозасини ишғол қилди. Жамоалар ушбу ҳисобда танаффусга чиқиб кетишди.

Иккинчи тайм бошида Рияд Маҳрез жарима зарбасини голга айлантирди. 59-дақиқада Фил Фоден ҳимоячиларни ортда қолдириб, кучли зарба билан дарвозабонни доғда қолдирди. 73-дақиқада Эмерик Лапорт қанотдан узатилган пасни голга айлантириб, ўйинга якуний нуқтани қўйди.

Ушбу ўйин сайтимиз орқали матнли трансляция қилинди.