"Арсенал" Обамеянг ўрнига футболчи топди

"Арсенал" "Наполи" ҳужумчиси Виктор Осимхен учун курашга қўшилди. Бу ҳақда "Goal" нашри хабар тарқатди. 

Манбанинг ёзишича, "канонирлар" ёзги трансфер вақтида нигериялик форвардни харид қилишга уриниб кўради. Футболчи хизматига "Тоттенхэм" ва "Ньюкасл" жамоалари ҳам қизиқиш билдирмоқда.

Жорий мавсум Осимхен А Серия доирасида 20 та ўйинда майдонга тушиб, 11 та гол урган ва 3 голга ассистентлик қилган. Унинг неаполликлар билан амалдаги битими 2025 йилгача мўлжалланган.