“Арсенал” “Реал” футболчисини “йўлдан урмоқчи”

"Арсенал" ярим ҳимоячи Марко Асенсио бўйича "Реал"га таклиф билан чиқди. "Канонирлар" футболчининг трансфери учун 40 миллион евро тўлашга тайёр.

Олдинроқ унга А серия вакили "Милан" ҳам қизиқиш билдираётгани ва Италия клуби Маркони 30 миллион евро эвазига сотиб олмоқчи эканлиги хабар қилинган эди.

"Арсенал" бош мураббийи Микель Артета Николас Пепенинг кетиши мумкинлиги сабабли ҳужумкор ярим ҳимоячи қидирмоқда. “Defensa Central” нашри хабарига кўра, бунга асосий номзодлардан бири Асенсио ҳисобланади.

“Тransfermarkt” нашри испанияликнинг нархини 40 миллион еврога баҳоламоқда. Футболчининг “қаймоқранглилар” билан шартномаси келаси йилнинг ёзига қадар амал қилади.

Асенсио ўтган мавсум “Реал”нинг Ла Лига доирасидаги 31 ўйинида майдонга тушиб, 10 гол муаллифига айланган.