Майдонда очиқ жиноят бўлди. Ўзбекистонлик ҳакам бошқарган учрашувни танқид қилишди

Москванинг «Спартак» клкуби собиқ футболчиси Эдуард Мор жаҳон чемпионатининг 1/8 финалида Парагвай терма жамоасининг Франция футболчиларига қарши кўрсатган ўйинини қаттиқ танқид қилди. 

Филаделфия шаҳрида (АҚШ) бўлиб ўтган учрашувда французлар 1:0 ҳисобида ғалаба қозонди. Ўзбекистонлик ҳакам Ильгиз Танташев белгилаган пенальтини Килиан Мбаппе аниқ бажариб, европаликлар ғалабасини таъминлади.   

Шу босқичнинг яна бир ўйинида Марокаш терма жамоаси Канада устидан йирик ҳисобда ғалаба қозонди — 3:0.

- Марокаш ва Франциянинг чорак финалга чиққани кутилган натижа эди. Лекин бу кун барибир сюрпризсиз ўтмади. Афсуски, бу ёқимсиз сюрприз бўлди. Парагвай терма жамоасининг мутлақо қўпол, одобсиз ўйинини оқлаб бўлмайди. Жуда қаттиқ хафамандман. Ўзим ҳам майдонда очиқчасига жиноятчилик даражасидаги қўполликлар бўлган ўйинларда қатнашганман. Сени уришади, тепишади, яна қайта-қайта уришади.

Аммо бу ерда гап дунё бўйлаб томоша қилинадиган жаҳон чемпионати ҳақида кетяпти. Нима кўрдик? Парагвайликлар рақибни доимий равишда тепиб, уриб ўйнади. Тўп билан ҳам, тўпсиз ҳам. 

Бу чемпионатда бундай манзарани ҳали кўрмагандим, умуман олганда ҳам анча вақтдан бери бундайини учратмаганман. Ҳакам Ильгиз Танташев ўйин назоратини қўлдан бой берди, нимагадир парагвайликларга сариқ карточка беришга шошилмади. 

Умуман олганда, бу жаҳон чемпионатидаги ҳакамлик менга ёқяпти, лекин айнан шу ўйинда огоҳлантиришлар бериш, қўполликни дарҳол тўхтатиш керак эди. Натижада эса биз футбол кўрмадик. 

Парагвайликлар футбол ўйнамади. Ҳакам яна бир бор — Парагвай дарвозасига қаратилган аниқ пенальтини дастлаб белгиламади, фақат видеотакрордан кейин қарор чиқарди.

Французлар ўйин давомида провокацияларга берилиб кетмагани ҳам ажабланарли. Яхшики, жиддий жароҳатларсиз тугади, — деди Эдуард Мор. 

9 июль куни Франция терма жамоаси мундиалнинг  чорак финалида Марокаш билан тўқнаш келади.

Ҳусановдан катта фойда кўрган “Ланс” яна бир ўзбек футболчисини олмоқчи

Ўзбекистон футболчиси мундиалдаги омадсизликдан кейин терма жамоадан кетди

Ўзбекларда шу ўйинчи зўр экан! Футбол скаути Европа клубларини ўзбек футболчисига эътибор қаратишга чақирди

Ўзбекистоннинг мағлубиятдан кейинги иши мексикаликларни ҳайратга солди