"Арсенал" "Реал" юлдузи учун 123 млн евро таклиф қилмоқчи

Лондоннинг «Арсенал» жамоаси ёзги трансфер ойнасида мадридлик «Реал» клуби ҳужумчиси Винисиус Жуниорни ўз сафига қўшиб олишни режалаштирмоқда.

The Article нашри маълумотларига кўра, Англия чемпиони ҳисобланган лондонликлар 26 ёшли бразилиялик футболчи учун «қироллик клуби»га 123 миллион евро таклиф қилишга тайёр. «Реал» эса ўз юлдуз ҳужумчисини камида 160 миллион евро эвазига сотишни кўзламоқда. Томонлар ўртасидаги музокаралар давом этмоқда. Шуни ҳам таъкидлаш жоизки, Винисиус Жуниорнинг «оқлар» билан амалдаги шартномаси 2027 йил июнига қадар мўлжалланган.

Эслатиб ўтамиз, ўтган мавсумда Винисиус Жуниор Испания чемпионатида «Реал» таркибида 36 учрашувда майдонга тушиб, 16 та гол урди ва 5 та голли узатма муаллифига айланди.