"Арсенал" ва "Тоттенхэм" бир футболчини талашмоқда

Лондоннинг "Арсенал" ва "Тоттенхэм" клублари "Атлетик Бильбао" ҳужумчиси Нико Уильямс учун курашмоқда.  

Хабарингиз бор, Нико сўнгги мавсумларда яхши ҳаракат қилиб келмоқда. Шу боис, кўплаб гранд клубларнинг қизиқишига сабаб бўлди. Ёзги трансферлар ойнасида эса каталониянинг "Барселона" клуби вингерга жуда катта қизиқиш билдирди. Бироқ, бир неча муаммолар сабаб, трансфер амалга ошмай қолган эди. Қишда эса яна ёш юлдузга кўплаб гранд жамоалар курашга киришди.  

"Fichajes" нашрининг хабар беришича, сўнгги кунларда Уильямс учун "шпорлар" ва "тўпчилар" асосий даъвогар бўлиб қолмоқда. Шу сабабли, икки Лондон клублари фурсат туғилиши биланоқ қанот ҳужумчиси билан шартнома имзолашни мақсад қилиб қўйди.  

Маълумот ўрнида, 22 ёшли вингер бу мавсум 29 та ўйинда иштирок этиб, 3 та гол ва 5 та голли узатмага муаллифлик қилишга улгурди. Унинг бильбаоликлар билан шартномаси 2027 йилгача мўлжалланган бўлиб, Тransfermarkt порталидаги нархи 70 миллион евро деб баҳоланмоқда.