"Арсенал" "Валенсия" посбонига қизиқиб қолди

Испаниянинг “Валенсия” клуби дарвозабони Нето фаолиятини Англия премьер-лигасида давом эттириши мумкин.

Plaza Deportiva нашри тарқатган хабарга кўра 29 ёшли бразилиялик посбонга Лондоннинг “Арсенал” клубидан жиддий қизиқишлар пайдо бўла бошлаган. “Канонирлар” вакиллари аллақачон унинг бу борадаги фикрини билиш учун у билан боғланишган. “Кўршапалаклар” эса унинг трансфери борасида билдириладиган молиявий яхши таклифни кўриб чиқишга тайёр.

Маълумот учун, Нето жорий мавсум “Валенсия” сафида 47та ўйинда майдонга тушди.