«Арсенал» янги дарвозобон билан шартнома имзолади

«Арсенал» расмий сайтида француз дарвозабони Иллан Мелье билан шартнома имзоланганини эълон қилди. 26 ёшли посбон Лондон клуби билан келишувга эришди ва жамоага мавсумолди йиғинларида қўшилади.

«Ўзимни ниҳоятда бахтли ҳис қиляпман. Бу мен учун катта кун, чунки мен эндиликда чемпионлар сафига қўшилдим. «Арсенал» — Англиядаги энг йирик клуб. Жамоанинг бир қисми бўлаётганимдан жуда фахрланаман ва хурсандман. Бу рамзни қай даражада яхши кўришимни майдонда кўрсатишни, шу клуб билан совринлар ютишни сабрсизлик билан кутяпман. Чунки бу жамоа яна‑яна ғолиб бўлиши керак», — дея Мельенинг сўзларини «Арсенал» матбуот хизмати келтиради.

Иллан Мелье сўнгги етти мавсумни «Лидс Юнайтед» таркибида ўтказди. У жамоа сафида барча мусобақаларда жами 215 ўйин ўтказиб, 70 марта дарвозасини дахлсиз сақлаб қолишга муваффақ бўлди. Премьер-лигада эса 107 учрашувда майдонга тушган. Франциянинг «Лорьян» клуби тарбияланувчиси бўлган Мелье «Арсенал»да 30-рақам остида тўп суриши маълум қилинди.