"Арсенал" ёзда "Бавария" футболчиси билан ҳужум чизиғини кучайтирмоқчи

"Арсенал" Кингсли Команнинг агентлари билан алоқа ўрнатган ва ёздаги эҳтимолий трансфер учун жиддий қизиқиш билдирган. Бу ҳақида машҳур инсайдерлардан бири ҳисобланган Флориан Плеттеренберг хабар бермоқда.

Хабарларга кўра, Саудия клублари ҳам курашда бўлса ва молиявий жиҳатдан кучли таклифлар қилса-да, "Арсенал" ҳали ҳам музокараларни давом эттирмоқда. Шу билан бирга, Команнинг "Бавария"дан кетиши кутилмоқда ва жамоа аллақачон унинг ўрнини босадиган ўйинчи излашга киришган. 

Маълумот ўрнида. 28 ёшли вингер жорий мавсум немисликлар сафида 35 та учрашувда иштирок этиб, 6 та гол ва 4 та голли узатмага муаллифлик қилган. Унинг клуб билан амалдаги шартномаси 2027 йилгача мўлжалланган бўлиб, Тransfermarkt порталидаги нархи 35 миллион евро деб белгиланган.