"Арсенал" юлдузи узоқ муддатга сафдан чиқди

Лондоннинг "Арсенал" клуби футболчиси Букайо Сака АПЛ 2-туридан ўрин олган "Лидс"га (5:0) қарши ўйинда олган жароҳати туфайли 4 ҳафтагача муддатга сафдан чиқди. BBC хабарига кўра, Сакага соннинг орқа қисми шикастлангани ташхиси қўйилган.

Эслатиб ўтамиз, Англия Премьер-лигасининг янги мавсумидан ўрин олган икки ўйиндан сўнг "Арсенал" 6 очко билан мусобақа жадвалида пешқадамлик қилмоқда. Ички чемпионатнинг навбатдаги ўйинида "канонирлар" 31 август куни Англиянинг амалдаги чемпиони "Ливерпуль"га қарши майдонга тушади.

23 ёшли Букайо ўтган мавсум "Арсенал" сафида барча мусобақаларда 37 та ўйинда майдонга тушиб, 12 та гол урди ва 14 та голли узатмани амалга оширди.