“Арсенал”да катта тозалаш: 11 футболчи кетади!

“Арсенал” катта эҳтимол билан жорий мавсум яна Англия чемпионлигини қўлга кирита олмайди. Лондонликлар пешқадам “Ливерпуль”дан сезиларли даражада орқада қолиб кетган.

Микель Артета келаси мавсумга тайёргарликни ҳозирдан бошлади. У таркибни қайта тузишга қарор қилган.

Испаниялик мутахассис янги лойиҳага кирмайдиган 11 нафар футболчи билан хайрлашади. Биринчи навбатда, “Борнмут”дан ижарага олинган ва ишончни оқлай олмаган дарвозабон Нету кетади.

Ҳимоя чизиғи вакилларидан Киран Тирнига янги битим берилмайди, Тахекиро Томиясу жисмоний ҳолати туфайли сотувга қўйилади. Ҳозир “Лацио”да юрган Нуну Таверешга ҳам жамоада жой йўқ.

Ярим ҳимоячилардан Томас Партей ва Жоржиньо эркин агентга айланяпти. “Севилья” ва “Порту”га ижарага жўнатилган Альберт Самби Локонга ва Фабио Виейра трансферга қўйилади.

Ҳужум чизиғи ҳам янгиланади. Раҳим Стерлинг, Рейсс Нельсон ва Лендро Троссар ҳам Микель Артетанинг режаларидан ўрин олгани йўқ.