“Арсенал”да тозалаш бўлади

“Арсенал” раҳбарияти ҳам жамоанинг премьер-лигада юқори ўринлар учун кураша олмаётганини инобатга олиб, бир неча футболчиларга жавоб бериб юборадиган бўлди.

Бунда асосий эътибор катта маош олаётган ўйинчиларга қаратилади. Чунки ҳозирги кунда “канонирлар”нинг молиявий аҳволи ҳам тобора қийинлашиб бормоқда.

Маълумотларга қараганда, “Арсенал” биринчи бўлиб жамоани тарк қиладиган беш нафар футболчи рўйхатини тузди. Хусусан, машҳур ҳимоячилар Давид Луиз ва Эктор Бельерин, ҳужумчилардан Александр Ляказетт ва Эдвард Нкетиа, ярим ҳимоячи Муҳаммад Ан-Нанни  ўзига янги жамоа топиши керак бўлади.

Бош мураббий Микель Артета бу трансферлар келадиган маблағни ўз ўйин услубига мос футболчиларни таклиф этишга сарфлайди.