"Арсенал"га канадалик футболчи керак

Бельгиянинг "Гент" клуби ҳужумчиси Жонатан Дэвид "Арсенал"нинг қизиқишлар доирасига кирди. Бу ҳақда Goal.com хабар тарқатмоқда.

Юқоридаги манбага кўра, “канонирлар” яқинлашиб келаётган ёзги трансферлар даврида 20 ёшли канадалик иқтидор эгаси учун бельгияликларга 20 млн евро таклиф қилишмоқчи. Ўз навбатида Дэвид ҳам АПЛда ўйнаш истагини билдирмоқда. У “Арсенал”дан кетиши кутилаётган Пьер-Эмерик Обамеянг ёки Александр Ляказеттнинг ўрнини эгаллаши мумкин.

Жонатан Дэвид жорий мавсум “Гент” сафида жами 40 та ўйинда майдонга тушди ва ўз ҳисобига 23 та гол ҳамда 10 та голли узатма ёздириб қўйишга эришди.

Фикрлар

Фикр қолдириш учун авторизациядан ўтинг!