"Арсенал"га нима етишмаяпти? Артета жавоб берди
Лондоннинг “Арсенал” клуби бош мураббийи Микель Артета жамоанинг асосий муаммосини айтди. Эслатиб ўтамиз, кеча "канонирлар" Чемпионлар лигаси доирасида "Интер"га қарши ўйинда 0:1 ҳисобида мағлуб бўлишди.
Қайд этиш лозимки, бу Лондон клуби учун кетма-кет иккинчи мағлубият бўлди. Ўтган шанба куни Артета жамоаси АПЛ доирасида "Ньюкасл"га худди шу ҳисобда мағлуб бўлганди.
"Арсенал"га нима етишмаяпти? Жарима майдонида ўйнаш. Бу Чемпионлар Лигаси, бугун ҳаммасини жарима зарбалари ҳал қилди. Шубҳасиз, жарима майдончаси ичидаги ҳар бир қарор муҳим", - деди Артета учрашувдан кейин ўтказилган матбуот анжуманида.
"Арсенал" навбатдаги учрашувини 10 ноябр куни Англия Премьер-лигаси доирасида сафарда ҳамшаҳари “Челси”га қарши ўтказади.
Фикрлар