"Арсенал"га қарши муҳим ўйин олдидан МЮ таркибида катта йўқотиш

АПЛ 7-тури доирасидаги қолдирилган ўйинда "Манчестер Юнайтед" "Кристал Пэлас" майдонида дуранг қайд этди, 1:1.

Эътиборлиси, манкунианликлар ушбу беллашувда 2 очкодан ташқари етакчи футболчисини ҳам йўқотди. Гап Каземиро ҳақида кетмоқда. Бразилиялик ярим ҳимоячи 80-дақиқада Уилфред Заани қоида бузиш эвазига тўхтатиб қолди ва ҳакам уни сариқ карточка билан огоҳлантирди.

Шу тариқа, унинг АПЛдаги "сариқ"лари сони 5 тага етди. Бунинг ортидан у Премьер лига 21-туридан ўрин олган "Арсенал"га қарши муҳим баҳсда жамоасига ёрдам бера олмайди. Учрашув 22 январь куни бўлиб ўтиши режалаштирилган.

МЮ айни пайтда 39 очко билан турнир жадвалида 3-поғонада бормоқда.