"Арсенал"нинг жароҳат олган футболчиси кутилганидан тезроқ сафга қайтмоқда

Лондоннинг "Арсенал" клуби ҳужумчиси Кай Хаверц кутилганидан олдинроқ сафга қайтиши мумкин.

"HandofArsenal" нашрининг берган маълумотларига кўра, клуб ходимлари 26 ёшли футболчини тикланиш жараёнига бўлган муносабатидан ҳайратда қолган. Яқин кунларда ҳужумчи жамоавий машғулотларга қайтиши кутилмоқда. У ҳозирда тикланишнинг сўнгги босқичини ўтказмоқда. 

Эслатиб ўтамиз, германиялик форвард АПЛнинг биринчи турида "Манчестер Юнайтед"га қарши учрашувда тиззасидан жароҳат олган эди. 

Маълумот ўрнида, Артета шогирдлари бу турда "Фулхэм" майдонига сафар қилади. Бу жамоалар ўртасидаги беллашув 18 октябарь куни Тошкент вақти билан соат 21:30'да старт олади.