Ads

"Арсенал" клуби собиқ футболчиси Рэй Парлор "Манчестер Юнайтед" клуби хавбеки Поль Погбанинг жамоадан кетиши борасидаги хабарларга ўз муносабатини билдириб ўтди.

“Миш-мишларсиз ҳеч нарса бўлмайди. Биз “Арсенал”да шунга ўхшаш вазиятларга тушганмиз, аммо бирор марта ҳам омма олдида жамоадан кетмоқчи эканлигимизни айтмаганмиз. Масалан, Патрик Виейра ҳар йили миш-мишларга қарши курашарди. Хатто кийиниш хонасида бу борада ҳазиллар қилардик.

Футболчи ўз жамоасини ҳурмат қилиши керак. Погба эса “Манчестер Юнайтед”ни умуман ҳурмат қилмайди”, - дейди Парлор.

Эслатиб ўтамиз, Погба бундан аввал бир неча марта “Ювентус”га қайтмоқчилиги ҳақида гапирган эди. Унга шунингдек “Реал” Мадриддан ҳам қизиқишлар мавжуд.