"Arsenal"ning yangi sardori ma’lum bo‘ldi

"Arsenal" klubi jamoaning yangi sardorini e’lon qildi. Unga ko‘ra, endi 23 yoshli futbolchi Martin Edegor londonliklar tarkibida sardorlik bog‘ichi ostida harakat qiladi. 

"Real" sobiq futbolchisi 2021 yil yanvaridan buyon "to‘pchilar" sharafini himoya qilib kelmoqda. London klubi u uchun 30 million funt sterling to‘lagan. 

Eslatib o‘tamiz, Martin 2021 yil mart oyidan beri Norvegiya terma jamoasida sardor sifatida o‘ynab kelmoqda. Shuningdek, u "Arsenal"ning AQSh safaridagi o‘rtoqlik o‘yinlarini ham sardor sifatida boshlagan.