Аршавин "Зенит"да раҳбар лавозимига тайинланди

Россия терма жамоаси собиқ сардори Андрей Аршавин “Зенит”да амалдорга айланди.

Клуб расмий сайти тарқатган хабарга кўра, Аршавин “Зенит”нинг болалар футболини ривожлантириш ва спорт ишлари департаментига директор бўлган.

Маълумот учун, Аршавин “Зенит” тарбияланувчиси ҳисобланади. У ушбу жамоа сафида 1999-2008, 2012 ҳамда 2013-2015 йилларда тўп сурган ва жами 7 та соврин қўлга киритган.