Артета: "Арсенал" бундай учрашувларда тўп тепмаганига 20 йил бўлди

Микель Артета ЕЧЛ доирасида "Реал"га қарши учрашув олдидан ўз фикрлари билан ўртоқлашди. 

"Эртага 11 футболчи, 60 минг мухлис "Реал"ни мағлуб этишга тайёр эканлигимизга тўлиқ ишонч ҳосил қилишлари лозим. Мен бу муносабатни кўришни хоҳлайман. 

Мен футболга шундай учрашувлар учун келганман. Шу тфайли мураббий бўлдим ва "Арсенал"га келдим. "Аристократлар" бундай ўйинларда тўп тепмаганига 20 йил бўлди. Биз учун ўз тарихимизни яратиш учун ажойиб имконият бор. 

Бундай учрашувлар алоҳида аҳамиятга эга. Биз бу турнирга қайтишни узоқ йиллардан бери кутган эдик. "Арсенал"нинг мақомидан келиб чиқиб, 15 йил ичида атиги бир марта бу босқичга чиққанимиз бу қай даражада қийин турнир эканлигини кўрсатади. Биз ўз тарихимизни яратамиз ва бундан ҳам узоқроққа борамиз", - деди "канонирлар" устози.