Артета “Арсенал”га икки суперюлдуз танлади
“Арсенал” бир неча мавсумдан бери чемпионликка яқин келаётган бўлса-да, бош совринни ўзиники қила олмаяпти.
Бош мураббий Микель Артета бу камчиликни бартараф этиш учун таркибни мунтазам кучайтириб бориш лозимлигини таъкидлаб келади.
“Канонирлар” ана шу мақсадда ёзда иккита катта трансферга қўл урмоқчи. Манбаларнинг маълум қилишича, лондонликлар Испания чемпионатидан икки суперфутболчи – Нико Уильямс ва Мартин Субимендини олиб келишга қарор қилган.
“Арсенал” ҳар икки ўйинчи учун 60 миллион евродан, жами 120 миллион евро тикишга тайёрлигини билдирди. Бу чарм тўп усталари майдон марказини мустаҳкамлар ва жамоанинг ҳужум салоҳиятини ошириш учун таклиф этилади.
Трансферлар бўйича мутахассисларнинг маълум қилишича, “Арсенал” янги ижрочиларни ўз сафига қўшиб олишда Англия Премьер-лигасининг молиявий қоидаларини бузмаслик учун ёзда айрим ўйинчилари билан хайрлашишга ҳам тайёр. Кетадиганлар рўйхатининг энг юқори қисмида Леандро Троссард ва Габриэль Мартинеллининг номи кўрсатилган.
Фикрлар