Артета: "Чемпионлик орзуси ҳали ҳам тирик"

Лондоннинг "Арсенал" жамоаси бош мураббийи Микель Артета Англия чемпионатининг 35-тури доирасида "Фулxэм"га қарши уй учрашувидан кейин фикр билдирди. "Канонирлар" ушбу баҳсда 3:0 ҳисобида йирик ғалаба қозонди.

"Бу ғалаба бизда чемпионлик орзуси ҳали ҳам тирик эканини кўрсатади. Бу импульсдан фойдаланиш ва ушбу энергияни сешанба кунги ўйинга олиб ўтиш керак. Эшитиш ва кўриш орқали айтишим мумкинки, жамоа кийиниш хонасидаги муҳит — биз тўғри йўлдамиз", — деди испан мутахассис.

"Арсенал" ҳозирда иккинчи ўриндаги "Манчестер Сити"дан 6 очко олдинда бормоқда, бироқ Пеп Гвардиола жамоасида икки ўйин захирада бор.

Эслатиб ўтамиз, 5 май куни лондонликлар Европа Чемпионлар Лигаси ярим финали жавоб учрашувида "Атлетико"га қарши майдонга чиқади.