Артета Дьокереш атрофидаги босим ҳақида фикр билдирди

"Арсенал" бош мураббийи Микель Артета Виктор Дьокереш билан боғлиқ вазиятга изоҳ берди.

"Келгуси беш йил ичида унинг атрофида жуда кўп шов-шув бўлади. Бу ҳолатдан қочиб бўлмайди. “Арсенал” билан тўққизинчи рақам остида ҳужумчи сифатида шартнома имзолаган кундан бошлаб, унинг ўтмиши ва кутилмаларни ҳисобга олсак, бу табиий. Бу — “Арсенал”нинг тўққизинчи рақамли ҳужумчиси ҳаёти.

Сен бу футболкани кийганингда муайян талаблар мавжуд бўлади. У буни билган ва бу режанинг бир қисми эди. Мен уни ҳар куни машғулотлар ва йиғинларда кўраман, у қанчалик муваффақиятга эришишни истаётганини яхши биламан.

У ҳар бир ўйинда қандай ишлаётганига қараб, ҳаммаси яхши бўлади, деб ўйлайман. Ҳозир унга фақат битта нарса етишмаяпти — кўпроқ гол уриш. Қолган жиҳатларда у барчасини тўғри бажаряпти", — деди Артета.

Эслатиб ўтамиз, 27 ёшли ҳужумчи "канонирлар" сафида Англия Премьер-лигасида 17 та ўйинда 5 та гол урган.