Артета МЮга қарши муҳим ўйинда янги футболчининг хизматидан фойдаланмоқчи

"Арсенал" бош мураббийи Микель Артета АПЛ 21-туридан ўрин олган "Манчестер Юнайтед"га қарши беллашув олдидан жамоанинг янги футболчиси Леандро Троссард ҳақида фикр билдирди.

"У МЮга қарши ўйинда майдонга тушадими? Леандро шанба куни машғулотларда иштирок этди ва умид қиламанки, у манчестерликларга қарши баҳсда бизга ёрдам бера олади.

Унда турли хил ҳужжатлар билан боғлиқ ҳеч қандай муаммо йўқ, Троссард майдонга тушиши керак",-дея испаниялик мутахассис сўзларини келтирмоқда клуб расмий саҳифаси.

28 ёшли футболчи жорий мавсум "Брайтон" сафида Премьер лигада 16 учрашувда майдонга тушиб, ўз ҳисобига 7 гол ҳамда 3 ассистни ёздириб қўйишга муваффақ бўлган.