Артета: "Сака бир неча ҳафта майдонга туша олмайди"

"Арсенал" бош мураббийи Микель Артета жамоа етакчиси Букайо Саканинг жароҳати ҳақида гапирди.

"Сака ўзини анча яхши ҳис қиляпти, аммо афсуски, у бир неча ҳафта майдонга тушмайди. Операция талаб этилмади. Барибир ўтган сафардагидек оғир эмас.

Бу ёқимсиз ҳолат, лекин унинг қайтиши қанчалик тез бўлишини кутамиз. Мартин Эдегор ҳали машғулотларни бошламади. Агар бошласа, эртага бўлиши мумкин. У ҳам, биз ҳам "Ливерпуль"га қарши ўйингача уни тайёрлаш учун барчасини қиляпмиз", — дея қўшимча қилди мураббий.

Маълумот учун, Сака ва Эдегор АПЛнинг охирги турида "Лидс"га қарши (5:0) ўйинда жароҳат олган эди. "Арсенал" эса 31 август куни сафарда "Ливерпуль" билан куч синашади.