Артета Томас Партининг келажаги ҳақида гапирди

"Арсенал" бош мураббийи Микель Артета шартномаси июнь охиригача амал қиладиган ярим ҳимоячи Томас Партининг келажаги борасида изоҳ берди.

"Томас нуқтаи назаридан оладиган бўлсак, бу унинг энг барқарор мавсуми бўлди. У қандай ўйнагани, қандай тайёргарликда бўлгани ва ўзини қандай кўрсатганини ҳисобга олсак, у биз учун жуда муҳим футболчи. Мен буни кўп марта айтганман – мен уни жамоада қолишини истайман" – дея таъриф бериб ўтди журналистларнинг саволига.

"Канонирлар" келаси мавсум Чемпионлар лигасида қатнашишни кафолатлаб бўлган. АПЛнинг сўнгги турида Микель Артета жамоаси "Саутгемптон"га қарши ўйнайди.

Эслатиб ўтамиз, ганалик хавбек жорий мавсум тўпчилар сафида 51 та учрашувда иштирок этиб, 4 та гол ва 3 та голли узатмани ўз ҳисобига ёздириб қўйган. Унинг клуб билан шартномаси эса 2025 йилнинг ёзигача амал қилади.