Артетага "қария" Ўзил керак эмас

Лондоннинг "Арсенал" клуби раҳбарияти германиялик ярим ҳимоячи Месут Ўзилга янги шартнома таклиф қилмади.

ESPN нашри тарқатган хабарга кўра, "канонирлар" устози Микель Артета Ўзилнинг ёши улғайиб қолгани учун уни жамоанинг келажак режаларига киритмаяпти. “Арсенал” Ўзилни сотиб юборишга тайёр, аммо унинг маоши юқори эканлиги боис харидорлар чиқмаяпти. Айтиш керакки, Ўзилнинг йиллик маоши 21 млн еврони ташкил этади.

31 ёшли Месут жорий мавсум “Арсенал” сафида 23 та ўйинда майдонга тушди ва 1 та гол ҳамда 3 та голли узатмага муаллифлик қилди. Унинг лондонликлар билан амалдаги шартномаси 2021 йилга қадар имзоланган.