Асенсио ёзда АПЛ клубига ўтмоқчи
Ads

Мадриднинг “Реал” клуби вингери Марко Асенсио мавсумлар оралиғида "Манчестер Юнайтед"га кўчиб ўтмоқчи.

Испан нашрларининг ёзишича 23 ёшли футболчи ўзининг “қироллик клуби”даги ҳолатидан қониқмаяпти. Ўз навбатида МЮ бунинг учун мадридликларга 80 млн евро таклиф қилмоқчи. Бундан ташқари, Асенсионинг ўзига ҳам яхшигина маош ваъда қилмоқда.

Маълумот учун, Асенсио жорий мавсум “Реал” сафида жами 35та ўйинда иштирок этди ва ўз ҳисобига 6та гол ҳамда 5та голли узатма ёздириб қўйишга эришди. Унинг Мадрид клуби билан амалдаги шартномаси 2023 йилга қадар имзоланган.