Асенсионинг агенти: Марко учун 150-180 млн евро таклиф қилишган, лекин "Реал" уларни кўриб чиқмаган

"Реал" Мадрид клуби вингери Марко Асенсионинг агенти Орасио Гаджиоли мижозига катта-катта таклифлар бўлгани ҳақида гапирди.

“Ўтган йили Асенсио учун 150-180 млн евролик таклифлар бўлган, аммо “Реал” уларни кўриб чиқмади. У ҳамиша топ клублар эътиборида бўлган. Бироқ, Марко менга “Реал”да бахтли экани ва фақат шу ерда ўйнамоқчилигини айтган. Ўз навбатида клубдагилар ҳам ундан миннатдор”, - дейди агент.

Маълумот учун, Асенси “Реал” сафига 2015 йил “Мальорка”дан 3,5 млн евро эвазига кўчиб ўтган эди. У ўтган давр мобайнида жами 131та ўйинда майдонга тушган ва ўз ҳисобига 27та гол ҳамда 17та голли узатма ёздириб қўйишга эришган.