"Астон Вилла" сардори: "Биз Чемпионлар лигасидаги етакчиликни узоқроқ сақлаб турмоқчимиз"
Англиянинг "Астон Вилла" клуби сардори Жон Макгинн жамоасининг Чемпионлар лигасининг етакчилигини ҳусусида фикр билдирди. Кеча бирмингемликлар 3-тур доирасида "Болонья"ни мағлуб этди ва 9 очко билан турнир жадвалида пешқадамлик қилмоқда.
"Бу шунчаки ажойиб! Чемпионлар лигасидаги учта ўйин, учта ғалаба ва бирорта ҳам гол ўтказиб юбормасдан. Буни нимадир билан таърифлаш мушкул! Лекин биз бу билан тўхтаб қолмоқчи эмасмиз. Энди анча эртакнамо тарих яратаётганлигимизни барчамиз сезиб турибмиз.
Бу клуб менинг уйим. Ахир бу масканда еттинчи мавсумимни ўтказмоқдаман. Бу вақт ичида кўтарилишлар ва пасайишлар бўлди. Умид қиламанки, жамоамиз албатта тўғри ва аниқ масад сари бормоқда", - деди "Астон Вилла" сардори.
Фикрлар