"Аталанта" - "Ювентус": Матнли трансляция

Ассалому алайкум, мухтарам футбол ихлосмандлари! Италия А Серияси 31-туридан ўрин олган "Аталанта" - "Ювентус" учрашуви матнли трансляция кўринишида эътиборингизга ҳавола этилади.

• 90+3'
  

  Учрашув якунланди! Марказий ўйинда "Аталанта"нинг қўли баланд келди.

• 90+2'

  Меҳмонлар сўнгги сонияларни ҳам ҳужумда ўтказяпти.

• 90'
  

  Ўйиннинг асосий вақтига 3 дақиқа қўшиб берилди.

• 87'
  

  ГОООООООООООООООООООООООЛ! Учрашувда ҳисоб очилди!

  Руслан Малиновскийнинг жарима майдони ташқарисидан йўллаган зарбаси рекошет натижасида дарвозадан жой олди.

• 86'
  

  Майдон эгалари бурчакдан тўпни ўйинга киритади.

• 84'
  

  Ҳакам қоида бузган Берат Жимситини огоҳлантирди.

• 82'

  Куадрадонинг узатмасига жамоадошлари ета олмади.

• 79'
  

  Футболчилар асабларини жиловлаб олиши зарур. Бу сафар Малиновский ва Госенсга сариқ карточка кўрсатилди.

• 78'
  

  Уэстон МакКенни ўрнига Артур майдонга тушди.

• 75'
  

  Бу сафар Кьеллинига сариқ карточка кўрсатилди.

• 73'
  

  Ўз асабларини жиловлай олмаган Де Лихт огоҳлантирилди.

• 72'
  

  Йоахим Мехле захирага олинди. Унинг ўрнига Руслан Малиновский ўйинни давом эттиради.

• 70'

  Ўйин тенг курашлар остида давом этмоқда. Ғалаба ким томонида оғиши ҳамон сўроқ остида.

• 68'
  

  Дибала ўз ўрнини Кулусевскига бўшатиб берди.

• 66'

  Альваро Моратанинг узатмасини рақиб футболчиси ўтказмади.

• 64'

  Пауло Дибаланинг зарбасидан кейин тўп устун ёнгинасидан ўтиб кетди.

• 62'

  Жимсити рақибини йиқитди. Ҳакам ўйинни тўхтатди.

• 60'

  Луис Муриелнинг зарбасидан кейин тўп бироз ноаниқ кетди.

• 58'
  

  Кьеза ўйинни давом эттира олмайди. Унинг ўрнига Данило майдонга тушди.

• 57'
  

  Федерико Кьеза жароҳат олиб майдонда ётибди. Унга тиббий ёрдам керак.

• 55'

  Меҳмонлар тўп назорати бўйича кичик устунликка эришмоқда - 45:55%

• 52'

  Юртимизда соат 19:08!

• 48'

  Рақибига нисбатан қалтис ҳаракат қилган Фройлер огоҳлантирилиши мумкин эди. Бироқ ҳакам оғзаки танбеҳ билан чекланди.

• 46'
  

  Иккинчи тайм бошланди!

• 45+2'
  

  Биринчи бўлимда ҳисоб очилмади. Танаффус!

• 45+1'

  Де Лихтнинг бош билан йўллаган зарбаси ноаниқ кетди.

• 45'
  

  Биринчи таймга 1 дақиқа қўшиб берилди.

• 44'

  Кьезанинг жарима майдони ичидан берган зарбасини ҳимоячи қайтарди.

• 43'

  Куадрадодаг алданган Госенс қоида бузди. Ҳакам ўйинни тўхтатди.

• 41'

  Бўлим сўнгига келиб меҳмонлар фаоллик кўрсата бошлади.

• 39'
  

  Бурчакдан етказиб берилган тўпга Де Лихт ноаниқ зарба берди.

• 37'

  Елкама-елка курашда рақибидан ўтган МакКенни зарба берди. Дарвозабон тўпни қайтарди.

• 35'

  Дарвозабон ва ҳимоячини алдаган Моратанинг зарбаси кўнгилдагидек чиқмади.

• 34'

  "Ювентус" футболчилари индивидуал ҳаракатлари билан ажралиб турибди.

• 32'

  Сапата огоҳлантирилиши мумкин эди. У Сандрога нисбатан анча қалтис ўйнади.

• 30'
  

  Туринликлар бурчак зарбасидан наф чиқара олмади.

• 29'

  Паломино Моратага алданмади. У тўпни майдон ташқарисига чиқариб юборди.

• 27'

  Ўйин темпи пасайди. Бергамоликлар тўпни ўзида ушлаб турибди.

• 25'

  Дуван Сапатанинг бош билан йўллаган зарбаси ноаниқ кетди.

• 24'

  "Аталанта" ҳисобни очиши мумкин эди. Пессинанинг жарима майдони ичидан берган зарбасига аниқлик етишмади.

• 22'

  Майдон эгалари тўп назоратини қўлга олишга ҳаракат қиляпти. Умуман олганда, томонлар эҳтиёткор ўйин намойиш этмоқда.

• 20'

  Ёғаётган ёмғир футболчиларнинг эркин ҳаракат қилишини бироз чекламоқда.

• 18'

  Футболчилар шерикларини майдонда қулай узатмалар билан таъминламоқда. Бироқ рақиб ҳимояси ҳам яхши ҳаракат қиляпти.

• 16'

  Кьезанинг узоқ масофадан берган зарбасига аниқлик етишмади.

• 14'

  Жарима майдони ичида 2 рақибини усталик билан чалғитган Куадрадонинг зарбаси ҳимоячилардан ўтмади.

• 11'

  Туринликлар тўпни назорат қилмоқда. "Аталанта" прессинг уюштиряпти.

• 9'

  Ўйин темпи анча юқори. Жамоалар ташаббусни бир-бирига бермасликка ҳаракат қиляпти.

• 7'

  Дибала бирга-бир вазиятга чиқиб боришига дарвозабон йўл қўймади.

• 6'

  Де Лихт рақиб жарима майдони ичида қоида бузди. Ҳакам ўйинни тўхтатди.

• 4'

  Муриель жарима майдони ичида йиқилиб тушди. Ўйинни давом эттириш мумкин.

• 3'

  Тўп назорати майдон эгалари томонда бўлиб турибди.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!