"Аталанта" ЕЧЛда қатнашадими? (Видео)

Бергамодаги "Атлети Адзурри" стадионида маҳаллий "Аталанта" клуби "Удинезе"ни қабул қилди ва 2:0 ҳисобидаги ишончли ғалабани қўлга киритди. Голларга Мартен де Рон ва Марио Пашаличлар муаллифлик қилишди.

Шу тариқа "Аталанта" ҳисобидаги очколар сони 59 тага етди ва жамоа турнир жадвалида ЕЧЛга йўлланма берувчи 4-ўринга кўтарилиб олди. 33 очкоси бор "Удинезе" эса 17-поғонадан жой олган.