"Аталанта" ҳужумчисига 8 клубдан қизиқиш бўлмоқда!

"Аталанта" ҳужумчиси Адемола Лукман кўплаб Европа клубларининг қизиқиши доирасида бўлиб турибди.

Журналист Экрем Конурнинг сўзларига кўра, "Галатасарой" нигериялик футболчини сотиб олиш шарти билан ижарага олишни кўриб чиқмоқда. Виктор Осимхеннинг Туркияда ўйнаётгани Лукманнинг қарорига таъсир кўрсатиши мумкин. Бундан ташқари, 28 ёшли футболчига "Интер", "Рома", "Наполи", "Атлетико Мадрид", "Тоттенхэм", "Астон Вилла" ва "Вест Хэм" ҳам қизиқиш билдирмоқда.

"Аталанта" ҳужумчисини тахминан 55-60 миллион еврога сотмоқчи. Бу мавсумда Лукман барча мусобақаларда 10 та ўйинда майдонга тушди ва битта гол урди. Унинг бергамоликлар билан шартномаси 2027 йил ёзигача амал қилади.