"Аталанта" жуда катта йўқотишга учради

Колумбия терма жамоаси ва "Аталанта" клуби ҳужумчиси Дуван Сапата жароҳат олиб сафдан чиқди.

Инсайдер Николо Скиранинг хабар беришича, "Кальяри"га қарши ўйинда жароҳат олган Сапата тахминан 3-4 ой майдонга туша олмайди. Кутилмаган воқеадан кейин бергамоликлар жамоасиз юрган италиялик маҳоратли ҳужумчи Грациано Пеллени таркибга қўшиб олишни режалаштирмоқда.

Дуван Сапата жорий мавсум “Аталанта” сафида жами 23 та ўйинда майдонга тушди ва 12 та гол ҳамда 7 та голли узатмага муаллифлик қилди.