"Аталанта" яна Лукман бўйича тушган таклифни рад этди

Аввалроқ хабар қилинганидек, "Интер" 27 ёшли ҳужумчи учун 42 миллион евро ва 3 миллион бонус таклиф этган.

Журналист Альфредо Педулланинг маълум қилишича, бергамоликлар бу шартларга рози бўлмади. Улар футболчи учун 50 миллион евро талаб қилмоқда — шундан 45 миллион евро дарҳол тўланиши, қолган 5 миллиони эса бонус сифатида бўлиши керак.

Ўтган мавсумда Лукман А Серияда 31 ўйинда 15 та гол урган ва чемпионатдаги тўпурарлар рўйхатида 3-ўринни эгаллаган эди.