"Аталанта"га қарши ўйинда ҳушдан кетган "Наполи" футболчиси касалхонадан чиқди

“Наполи” ҳимоячиси Виктор Осимхен Бергамодаги касалхонадан соғайиб чиқди ва Неаполга қайтди. Бу ҳақда клуб расмий сайти хабар бермоқда.

Эслатиб ўтамиз, Осимхен А Сериянинг “Аталанта”га қарши баҳсида рақиб футболчиси билан тўқнашиб кетган ва майдонда ҳушини йўқотган эди.

Осимхен жорий мавсум “Наполи” сафида 16 та ўйинда майдонга тушди ва ўз ҳисобига 2 та гол ҳамда 1 та голли узатма ёздириб қўйишга эришди. Унинг жамоаси А Серия мусобақа жадвалида 7-ўринда бормоқда.