"Аталанта"нинг етакчи ҳужумчиси А Сериянинг бошқа клубига ўтмоқчи

"Аталанта" ҳужумчиси Адемола Лукман фаолиятини "Интер"да давом эттириш истагини билдирмоқда. Бу ҳақда инсайдер Николо Скира маълум қилди.

Манба маълумотларига кўра, Лукманнинг режалари аниқ: у имкон қадар тезроқ "Аталанта"ни тарк этиб, фақат "Интер"га қўшилмоқчи. Ҳужумчи аллақачон ўз агентлари ва клубига Бергамода бошқа ўйнамаслигини маълум қилган.

Ўтган мавсумда 27 ёшли нигериялик футболчи умумий 40 та ўйинида иштирок этиб, 20 та гол урди ва 7 та гол узатмани амалга оширган. Transfermarkt маълумотларига кўра, Лукманнинг трансфер нархи 60 миллион еврони ташкил этади.