"ATF Championship 8" турнири Андижонда бўлади. "Файт-кард"нинг бир қатор жуфтликлари маълум

Юртимизда биринчилардан бўлиб ташкил этилган "ATF Championship" турнирининг навбатдаги саккизинчи турнири қачон ва қаерда бўлиши маълум бўлди. 

Ўзбекистон яккакураш оламининг ёрқин вакили, Ўзбекистон ММА ассоциацияси вице-президенти Музаффар Раджабов асос солган ушбу промоушен ҳозирга келиб, 7 та жанг кечасини турли вилоятларда ташкил этди. Жумладан, Бухоро, Самарқанд, Тошкент шаҳри ажойиб жанг кечаларига мезбонлик қилди. 

Sports.uz сайтига маълум бўлишича, навбатдаги  "ATF Championship 8" турнири 5 март куни Андижон шаҳрида бўлиб ўтади. Маълумки, ушбу промоушенда нафақат ММА балки профессионал кикбоксинг бўйича ҳам жанглар ташкил этилади. 

Ҳозирга келиб, "файт-кард"дан ўрин олган бир нечта жанглар маълум бўлиб улгурган. Жумладан, профессионал кикбоксинг бўйича юртдошимиз Мавлонбек Қаҳҳоров яна бир ҳамюртимиз Нодир Хайриддиновга қарши жанг қилса, ММА бўйича 70 кг вазнда ўзбекистонлик Ҳусанбой Атабаев қозоғистонлик Дулат Сейдакбарга қарши, 61 кгда Дилдорбек Нурматов тожикистонлик Амирхон Атахонов билан жанг қилади.

Шунингдек, 84 кгда Икром Бобомуродов - Бектен Жеенбеков, Жамшид Эргашев (Ўзбекистон) - Санжар Бахронов (Ўзбекистон), Мавлонбек Миркомилов (Ўзбекистон) - Синдор Нуруллаев (Ўзбекистон), Миролим Мирзадинов (Ўзбекистон) - Жаҳонгир Абдувоҳидов (Ўзбекистон) каби жуфтликлар маълум бўлиб улгурган. Тез орада тўлиқ кард борасида ҳам маълумот берамиз. Воқеалар ривожини бизда кузатиб боринг!