"Атлетико" футболчиси грек клуби билан шартнома имзолади

Хорватиялик ҳимоячи Шиме Врсалько фаолиятини Греция чемпионатида давом эттирадиган бўлди.

Инсайдер Фабрицио Романонинг сўзларига кўра, "Атлетико"нинг собиқ ҳимоячиси  "Олимпиакос" билан 2025 йилгача шартнома имзолаган. У янги жамоаси сафига эркин агент сифатида кўчиб ўтган.

Футболчининг трансфери бугун расман эълон қилинади.

Маълумот учун, Шиме Врсалько 2016 йилдан буён “Атлетико”да ўйнаб келаётган эди.