"Атлетико" Мадрид клуби ҳимоячиси Ренан Лоди коронавирусдан соғайди ва энди жамоа машғулотларига қўшилиши мумкин.

AS нашрининг хабарига кўра, бразилиялик футболчи кетма-кет 2 марта тест топширган ва иккаласида ҳам унда вирус йўқлиги тасдиқланган. Энди у бугуннинг ўзида машғулотларга киришиши мумкин.

Лоди жорий мавсум “Атлетико” сафида 33 та ўйинда майдонга тушди ва 1 та гол ҳамда 3 та голли узатмага муаллифлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)