"Атлетико" Годинга муносиб ўринбосар топди

Мадриднинг "Атлетико" клуби ёзда “Интер”га кўчиб ўтадиган ҳимоячиси Диего Годинга муносиб ўринбосар топди.

AS нашри тарқатган хабарга кўра "матрасчилар" уругвайлик футболчи ўрнига "Порту" ҳимоячиси Фелипе Монтейрони олиб келишмоқчи. Ушбу трансфер эса мадридликларга тахминан 17 млн еврога тушиши айтилмоқда.

Маълумот учун, 29 ёшли бразилиялик футболчи жорий мавсум “Порту” сафида жами 48та ўйинда иштирок этди ва 2та гол ҳамда 3та голли узатмага муаллифлик қилди.