"Атлетико" ўнг қанот ҳимоячиси Киран Триппьер февраль ойи давомида жамоасига ёрдам бера олмайди.

Испан нашрлари хабарига кўра, Англия терма жамоаси футболчиси кеча операция қилинган. Унинг тикланиши учун тахминан бир ой талаб қилинади.

Шундай қилиб, Триппьер УЭФА чемпионлар лигаси доирасида "Ливерпул"га қарши бўладиган ўйинни ўтказиб юборади.

Олдинроқ, "матрасчилар" ҳужумчиси Альваро Мората ҳам жароҳат сабаб "қизиллар"га қарши ўйинни ўтказиб юбориши маълум бўлган эди.