"Atletiko" hujumchisi APL klubidan bo‘lgan taklifni rad etdi

Mavsumni “Roma”da ijarada o‘tkazayotgan “Atletiko” forvardi Nikola Kalinich APL klubiga o‘tishni xohlamadi.

Tuttomercatoweb nashri tarqatgan xabarga ko‘ra 32 yoshli xorvatiyalik futbolchi “Nyukasl”dan bo‘lgan taklifni rad etgan.

Eslatib o‘tamiz, bundan avvalroq Kalinich “Jenoa” va “Verona” kabi A Seriya klublariga o‘tishni ham xohlamagan edi. O‘z navbatida “Roma” ham Kalinichning xizmatlaridan voz kechib u bilan tuzilgan ijara shartnomasini bekor qilmoqchi.

Ma’lumot uchun, Kalinich joriy mavsum “Roma” safida A Seriyada bor yo‘g‘i 4 ta o‘yinda maydonga tushdi xolos.