"Атлетико" Испания кубогидаги юришини эрта якунлади

Испания кубоги доирасидаги нимчорак финал босқичидан ўрин олган "Реал Сосьедад" - "Атлетико" учрашуви ниҳоясига етди. Унда мезбонлар 2:0 ҳисобида ғалаба қозониб, кейинги босқич йўлланмасини қўлга киритди.

Ўйиндаги илк голни 33-дақиқада Аднан Янузай киритган бўлса, баҳсдаги сўнгги голга 47-дақиқада Александр Серлот муаллифлик қилди.

Ушбу натижадан кейин "матрасчилар" Испания кубогидаги юришини нимчорак финалда тўхтатди. "Сосьедад" эса кутилмаган тарзда чорак финалга йўл олмоқда.