"Атлетико" Мадриднинг асосий таркиби Тошкентда ўзбек клубларидан бирига қарши ўртоқлик ўйини ўтказиши мумкин

Жорий йилнинг январь ойида Ўзбекистон Республикаси Бош вазирининг ўринбосари Азиз Абдуҳакимов Мадридга расмий ташрифи доирасида Мадриднинг “Атлетико” клуби раҳбарияти билан музокаралар ўтказган эди. Унда Ўзбекистонда “Атлетико” клуби футбол академиясини ташкил этиш ва “visit Uzbekistan – Heart of the Silk Road” сайёҳлик брендини тарғиб қилиш бўйича ҳам ўзаро келишувга эришилган.

Мамлакатимиз Испаниядаги элчихонаси кўмагида Ўзбекистон Республикаси Туризм ва спорт вазирининг халқаро маслаҳатчиси Алия Оспанова ушбу мамлакатга ташрифи давомида “Атлетико” футбол клуби халқаро ҳамкорлик бўлими бошлиғи Росолино Амента билан учрашди.

Учрашувда жаҳон футболининг машҳур юлдузлари иштирокида қатор халқаро спорт тадбирларини ташкил этиш орқали кадрлар тайёрлаш дастурини амалга татбиқ этиш, “visit Uzbekistan – Heart of the Silk Road” брендини кенг тарғиб қилиш, шунингдек, “Атлетико” футбол клуби асосий таркиби билан Ўзбекистон клубларидан бири ўртасида Тошкентда халқаро ўртоқлик учрашуви ташкил этиш масалалари муҳокама қилинди. 

Эслатиб ўтамиз, "Атлетико" Мадрид кеча "Реал" ва "Барселона"ни ортда қолдирган ҳолда Ла Лигада чемпионликни қўлга киритди.

Фикрлар

Саралаш
Фикр қолдириш учун авторизациядан ўтинг!
&
Shaymardonov Nurbek Nasimovich
23/05/2021 16:43
Kelaversin. unoqa uyinlarga Nasaf ancha tajriba olgan. bitta uyinlarga Nasaf bemolol uzidanda kutilgan uyindan bir bosh ustin uynap berib oladi. bunu mutahasisla ham Jurnalistla ham takidlap berdiki. OFK ohirgi uyinga Hayrullo aka bir gapi zur chiqdi. Nasaf Uzi qatnashkan musobaqalarga. uyinni boshidan ogirigacha uzidanda bir bosh balan sakraydi. va. odamni Nasaf yutqazsa ham maydonga kurashib raqibdan bir bosh ustun uyin namoish etib yutqazadi. deganlari. Uzbek fudbolini muhlisi ekanliklari. bilderdila. kimda kim bir klub emas. butun boshli Uzbek Fudbolini muhlisi bulsa. Oqni oq. Qorani qora deydi.
Жавоб ёзиш
Akbarali Abdunazarov
24/05/2021 20:32
Насаф академияси билан таништириш керак, Академия билан 1 уртоклик уйини хам ташкил килиш керак, уйин Насаф стадионида булса жуда зур реклама булади, Узбекистонда хам шундай академиялар борлигини куриб кетишади, Тошкентдан кайтариб юбормасдан, академиядан яхши яхши уйинчилар испанияга кетиши мумкин, Ахир Насафда Месси (Ойбек Бозоров) борлигини куриб кетишади, Насаф стадиони Номер 1 ку Урта Осиеда ахир!Насафдан канча канча юлдузлар чикди кейинги 5 йилда, тандир хам ташкиллаштирамиз!
Жавоб ёзиш
Akbarali Abdunazarov
23/05/2021 20:04
Уйинни Каршидаги Марказий уйингохда утказиш керак, шундай уйингох борлигини куриб кетишади, яна бунедкорга куйманглар, чими упирилиб тушиб Суаресга ухшаган уйинчилар травма олиб шарманда булиб колманглар яна!
Жавоб ёзиш
&
umidjon omonov
23/05/2021 19:35
Нефтчи Билан уйнаса кере. Нефтчи бемалол 3-0 га йутади
Жавоб ёзиш