"Атлетико" ўз рекордини такрорлади

Мадриднинг "Атлетико" клуби кеча Испания Ла Лигасининг 14-турида ўз майдонида "Реал Сосьедад"ни қабул қилди ва 2:1 ҳисобида ғалаба қозонди.

Эътиборлиси, "матрасчилар" ушбу ғалабаси билан ўзларининг чемпионатдаги мағлубиятсиз учрашувлари сонини кетма-кет 18тага етказиб олишди ва ўз рекордларини такрорлашди. 

Айтиш лозимки, "Атлетико" ўз тарихида ушбу натижага икки марта эриша олган. Улар 1940/41 ҳамда 1990/91 йилги мавсумларда ҳам ушбу кўрсатгични қайд этишган.