"Атлетико" вингери "Милан"га ўтишга яқин турибди

Мадриднинг "Атлетико" клуби вингери Анхель Корреа катта эҳтимол билан фаолиятини "Милан"да давом эттиради.

Calciomercato нашри тарқатган хабарга кўра “россонерилар” 24 ёшли аргентиналик футболчи билан шахсий келишувга эришиб бўлишган. Энди улар фақатгина “матрасчилар”ни кўндиришга бас. Мадридликлар эса Корреанинг трансферини 50 миллион еврога баҳолашмоқда.

Маълумот учун, Корреа ўтган мавсум “Атлетико” сафида жами 49та ўйинда майдонга тушди ва ўз ҳисобига 5та гол ҳамда 4та голли узатма ёздириб қўйишга эришди.