"Atletiko" yulduzi jarohat oldi

Ispaniya La Ligasi 17-turi doirasida Madridning ikki nomdor klubi o‘zaro bahs olib bordi. "Real" - "Atletiko" to‘qnashuvida mezbonlar 2:0 hisobida zafar quchdi.

Ma’lum bo‘lishicha, "matraschilar" yulduzi Antuan Grizmann mazkur uchrashuvda jarohat olib, safdan chiqqan. Frantsiyalik futbolchi "qaymoqranglilar"ga qarshi bahsning ikkinchi taymi oldidan zaxiraga olindi.

Klub matbuot xizmatining ma’lum qilishicha, Grizmanning o‘ng oyoq mushaklari jarohatlangan. Hujumchi fizioterapevt nazorati ostida tiklanish jarayonini o‘tkazadi.

30 yoshli hujumchi joriy mavsum 21 uchrashuvda jamoasi sharafini himoya qilib, o‘z hisobiga 7 gol va 3 assistni yozdirib qo‘yishga muvaffaq bo‘ldi.